સૌરાષ્ટ્ર-દ. ગુજરાત સહિતના વિસ્તારમાં ધોધમાર વરસાદ, આજે 195 તાલુકા જળબંબાકાર

Rain in Gujarat : સૌરાષ્ટ્ર અને દક્ષિણ ગુજરાત સહિતના અનેક વિસ્તારોમાં ધોધમાર વરસાદ વરસી રહ્યો છે. ગુજરાતમાં આજે (17 જૂન) સવારે 6 વાગ્યાથી સાંજના 6 વાગ્યા સુધીમાં 195 તાલુકામાં ધોધમાર વરસાદ ખાબક્યો હતો. સૌથી વધુ બોટાદના બરવાળામાં 7 ઈંચ અને સુરેન્દ્રનગરના સાયલામાં 6.3 ઈંચ વરસાદ પડ્યો હતો. જ્યારે રાજ્યના 44 તાલુકામાં 1 થી 6 ઈંચ સુધીનો વરસાદ, 151 તાલુકામાં 1 ઈંચથી ઓછો વરસાદ નોંધાયો છે.

► ગુજરાતમાં ક્યાં કેટલો વરસાદ પડ્યો ?

મુળીમાં 5.31 ઈંચ, ભાવનગરના ઉમરાળામાં 4.76 ઈંચ, બોટાદમાં 5.43 ઈંચ, થાનગઢમાં 4.76 ઈંચ, વલ્લભીપુર 4.53 ઈંચ, ચુડામાં 3.78 ઈંચ, રાણપુરમાં 3.58 ઈંચ, ધંધુકામાં 3.23 ઈંચ, પેટલાદમાં 2.91 ઈંચ, ખંભાતમાં 2.83 ઈંચ, બોરસદમાં 3.19 ઈંચ, ધોલેરામાં 2.56 ઈંચ, સિહોરમાં 2.52 ઈંચ, જોડાયામાં 4.37 ઈંચ અને હળવદમાં 2.48 ઈંચ વરસાદ વરસ્યો છે.

► બોટાદમાં વરસાદ બાદની સ્થિતિ

• બોટાદમાં બરવાળા તાલુકાના વાઢેળા-નાવડા રોડ પરનો પુલ નદીના પાણીના પ્રવાહથી તૂટ્યો

• બોટાદના બરવાળા ઉતાવળી નદી પુલ પર ધંધૂકા તરફ જવાનો વાહન વ્યવહાર કરાયો બંધ : ઉતાવળી નદીના પુલ પર બે કાંઠે વહી રહ્યું છે પાણી

• બોટાદના બરવાળા તાલુકાના ​ખાંભડા ડેમની સ્થિતી પર વહીવટી તંત્રની નજર : અસરગ્રસ્તોને પાવન સ્કૂલ ખાતે આશ્રય આપવામાં આવ્યો

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Gujarat Rain Data Today - આજના વરસાદના આંકડા - ગુજરાતમાં કેટલો વરસાદ પડ્યો - આજે સૌથી વધુ વરસાદ ક્યા પડ્યો